Blog

இதுகாரும் 96 நன்கொடையாளர்கள் அள்ளி அள்ளி கொடுக்கும் மாதாந்திர தொடர் நன்கொடைகள் மூலம் பேர ஆதரவு தரும் அருளாளர்களை வணங்குகிறோம். வாழ்த்துகிறோம்.

தங்களின் PAN எண் பதிவு செய்யப்படவில்லை, IT 80G வருமான வரி விலக்கு பெறும் தீபம் நன்கொடையாளர்கள் PAN எண்ணை அவசியம் கீழுள்ள இணைப்பில் சென்று இன்றே பதிவு செய்ய வேண்டுகிறோம்.

தொண்டு நிறுவங்களின் நிதி செயல்பாடுகளை முறையாக கண்காணிக்கும் பொருட்டு, இந்திய அரசின் வருமான வரித்துறை புதிய நடைமுறைகளை கொண்டுவந்துள்ளதால், வருமான வரி விலக்கு பெறும் தீபம் நன்கொடையாளர்கள், தங்கள் PAN எண்ணை அவசியம் குறிப்பிடவேண்டும்.

தினசரி வேளச்சேரி தண்டீஸ்வரம் சாலை சந்திப்பில் காலை வேளையில் தினசரி கூலி வேலைக்காக காத்திருக்கும் 200க்கும் மேற்பட்ட கூலி தொழிலாளிகளுக்கு மூலிகை கஞ்சி துவையலுடன், டாடா ஏஸ் வாகனத்தில் தினசரி காலை 7 மணி அளவில் வழங்கப்படுகிறது.

கடந்த வெள்ளி முதல் திங்கள் வரை (3.2.23 to 6.2.23) வடலூர் சத்ய தருமச்சாலையிலே திரு V பாரதி தலைமையில் பொறுப்புடன், ஓயாமல் ஆயிரக்கணக்கான சன்மார்க்க அன்பர்களுக்கு தொடர் தைப்பூச அன்னதான திருத்தொண்டு செய்த, தீபத்தின் உண்மை தொண்டர்களின் திருப்பாதம் பணிகிறோம்.

திருவண்ணாமலை மாவட்டம், செஞ்சி வட்டம், மலையும் மலை சார்ந்த தேவதனாம்பேட்டை கிராமத்தில், வேட்டவலம் ஜமீன்தாரின் மனைவியின் தீராத நோயான சூலை நோயை வள்ளலார் குணப்படுத்திய ஊருக்கு அருகில், வள்ளலார் தவம் செய்த கரியமாமலை அடிவாரத்தில் 1.5 ஏக்கர் பரப்பளவில் விளை நிலம் அமைய திருவுள்ளம் ஆணையிட்டு, நேரில் பார்வையிட்டு, விரைவில் கிரயம் செய்ய உள்ளோம்.

தருமமிகு சென்னை மாநகர் வேளச்சேரி, ஆலந்தூர், ஆதம்பாக்கம், கிண்டி, தரமணி, அடையாறு, சைதாப்பேட்டை, நந்தனம் ஆகிய பகுதிகளில் உள்ள இரயில் நிலையம், பஸ் நிலையம், பாலங்களுக்கு அடியில், நடைபாதைகளில், மற்றும் சாலையோரங்களில், மார்கழி மாத கடுங்குளிரில், பரட்டை தலையுடன் சுருண்டு படுத்து உறங்கும், ஆதரவற்றவர்களை வறியவர்களை தேடிச் சென்று (21-01-2023) நள்ளிரவு 12-30 மணி முதல் (22-01-2023) அதிகாலை 4-30 மணிவரை போர்வைகளை போர்த்தி, சிறப்பு அன்னம் தந்து மகிழ்வித்த ஓரிரு காட்சிகளை படத்தில் காணுங்கள்.

வாழ்க தர்மம் வளர்க தர்மம் !! தர்மம் செய்வோம் தயவுடன் வாழ்வோம் !!!

ஒவ்வொரு வருடமும் புத்தாண்டில் அழகிய வண்ணத்தில் வள்ளலார் டெய்லி காலண்டர் பிரிண்ட் செய்து, தீபம் அறக் கட்டளை தீபம் நிர்வாகிகளுக்கும், தீபம் நன்கொடையாளர்களுக்கும், சன்மார்க்கிகளுக்கும், சன்மார்க்க சங்கங்களுக்கும் கொடுத்து மகிழ்வது வழக்கம். 2023 ஆண்டுக்கான 1000 காலண்டரை நாம் அச்சிட ஆர்டர் கொடுத்து இருக்கிறோம். சிவகாசியில் அச்சிடப்பட்டு திரு V பாரதி ஐயா தலைமையில் அடுத்த வாரம் தயார் செய்யப்பட்டு 25.12.22 அன்று வினியோகம் செய்ய இருக்கிறோம்.

தீபாவளியை முன்னிட்டு மகிழ்வித்து மகிழ்தல் என்ற ஜீவகாருண்யா பணியாக தீபம் அறக்கட்டளை சார்பில் ஆண்டுதோறும் மதுராந்தகம் சுற்றியுள்ள ஏழ்மை நிலையில் உள்ள கிராம பகுதிகளில் நேரில் சென்று தீபாவளி இனிப்புகள் வழங்கப்படுகின்றன.

சென்னை வேளச்சேரி தீபம் அறக்கட்டளை ஒவ்வொரு வருடமும் தீபாவளியை முன்னிட்டு, 10 குழந்தைகள் காப்பகம், முதியோர் இல்லங்களுக்கு மற்றும் 8 கிராமங்களுக்கு தீபாவளி இனிப்புகளும் மற்றும் கார வகைகளும் வழங்கி வருகிறது.

தீபாவளியை முன்னிட்டு, சென்னையிலுள்ள 15க்கும் மேற்பட்ட குழந்தைகள் காப்பகங்கள், முதியோர் இல்லங்களுக்கு, மெய்யூர் கிராம பழங்குடி ஏழை குடும்பங்களுக்கு, மதுராந்தகம் அருகில் உள்ள ஏழ்மை நிலையில் வாழும் ஐந்து கிராமங்களில் தீபாவளி இனிப்பும், காரமும் (5000 லட்டுகள் மற்றும் 20 கிலோ காராபூந்தி) தருமச்சாலையில் தயார்செய்து நேரில் சென்று தீபாவளியை முன்னிட்டு வழங்க இருக்கிறோம். மேலும் இனிப்பு காரத்துடன் மெய்யூர் கிராம 100 குழந்தைகளுக்கு தீபாவளி புத்தாடைகள் வழங்க இருக்கிறோம்.

சென்னை வேளச்சேரி நித்ய தீப தருமச்சாலையில் திருவருட்பிரகாச வள்ளல் பெருமான் வருவிக்க உற்ற நாளை, தீபம் அறக்கட்டளையின் 25ஆம் ஆண்டு நிறைவு விழாவை, 16.10.22 ஞாயிற்று கிழமை அன்று பந்தலிட்டு, மலர் அலங்காரத்துடன், கீழ்வருமாறு எளிமையாக நடத்த திருவுள்ளம் திட்டமிட்டுள்ளது.

05.10.2022 திருவருட்பிரகாச வள்ளல் பெருமான் அவதரித்த திருநாளில், நேற்று கபாலீஸ்வரர் கற்பகாம்பாள் திருமண மண்டபத்தில் தமிழக அரசு சார்பாக நடைபெற்ற வள்ளலார் 200 விழாவில், தீபம் அறக்கட்டளையின் சமுதாய பணிகளை பாராட்டி, தமிழக முதல்வர் விருது வழங்கினார். விருதினை தீபம் அறக்கட்டளையின் நிறுவனர் நேரில் பெற்றுக்கொண்டார்.

5.10.22 அன்று சென்னை ராஜ அண்ணாமலைபுரம், கபாலீஸ்வரர் கற்பகாம்பாள் திருமண மண்டபத்தில், தமிழக அரசு நடத்தும் வள்ளலார் 200 விழாவில், தமிழகத்திலிருந்து பல்வேறு கிராமங்களிலிருந்து, நகரங்களிலிருந்து ஏராளமான சன்மார்க்க அன்பர்கள் சென்னைக்கு வருகிறார்கள். அவர்கள் அனைவரையும் நமது சென்னை வேளச்சேரி, நித்ய தீப தருமச்சாலை அன்போடு வருக வருக என்று வரவேற்கிறது. 4.10.22 காலை முதல் நமது தருமச்சாலையில் தங்கலாம்.

திருவருள் பெருங்கருணையால், சென்னை வேளச்சேரியில் சாலை (நித்ய தீப தருமசாலை) அமைத்து, சபை (ஞானசபை) அமைத்து, தினசரி 3 வேளையும் தொடர் ஜீவகாருண்யப் பணிகளை, அன்னதானப் பணிகளை, அறப்பணிகளை, தீபம் அறக்கட்டளை செய்துகொண்டிருப்பது தாங்கள் அறிந்ததே. மேலும் திருவருட்பிரகாச வள்ளலார் போதித்த உபகார சாலைகளில் ஒன்றான மக்களின் பிணிப்போக்கும் வள்ளலார் வைத்தியசாலை விரைவில் அமைக்க திருவுள்ளம் திட்டமிட்டுள்ளது. வைத்ய சாலைக்கு தேவையான இயற்கை மூலிகை தோட்டம் அமைக்கும் பொருட்டு மூலிகை பண்ணை மற்றும் முதியோர் இல்லம் அமைய திருவுள்ளம் ஆணையிட்டுள்ளது.

சாலையோரங்களில் ஆதரவற்ற வாழும் மக்களுக்கு டாட்டா ஏஸ் வாகனம் மூலம் நடமாடும் தருமச்சாலையாக உணவு பொட்டலங்களை வழங்கிவருகிறது. உணவு பொட்டலங்கள் உடன் தாகம் தணிக்க மக்களுக்கு தண்ணீர் பாட்டில்கள் வழங்கப்பட்ட சமுதாய பணி...

மிகவும் சிறப்பு வாய்ந்தது, அழகான ஆவும், கன்றும்... அற்புதமான பேராற்றல், பெருங்கருணை... நிகழ்வுகளை கண்டு மகிழ்கிறோம்... கணவனை இழந்து, இரண்டு பெண் குழந்தைகளுடன் எதிர்கால வாழ்க்கையை நினைத்து மிகவும் வருத்திக் கொண்டிருக்கும் நிலையில், சென்னை வேளச்சேரி தீபம் அறக்கட்டளையின் சார்பில் அக்குடும்பத்திற்கு கோதானம் செய்த திரு.கந்தசாமி ஐயாவின் சமூகம் வாழ்க வளமுடன், வாழ்க நலமுடன், வாழ்க்கையில் எல்லா வளமும், நலமும் பெற்று இன்புற்று வாழ எல்லாம் வல்ல அருட்பெருஞ்ஜோதி ஆண்டவரிடம் விண்ணப்பிக்கின்றோம்....

1) *வள்ளலார் நாள்காட்டி:* கடந்த 25 வருடங்களாக தீபம் அறக்கட்டளை திருவருட்பிரகாச வள்ளலாரின் தினசரி காலண்டரை பிரிண்ட் செய்து அதை ஒவ்வொரு இல்லங்களிலும் வள்ளல் வாழ்வதாக பாவித்து, நன்கொடையாளர்களுக்கும், சன்மார்க சம்மந்திகளுக்கும், இலவசமாக வழங்கி வருகிறோம். 2022 ஆண்டுக்கான வள்ளலார் கேலண்டர் சிவகாசியில் தயாராகிக் கொண்டிருக்கிறது. ஒரு கேலண்டர் அச்சாக அடக்க விலை ₹41/- மட்டுமே. 1000 கேலண்டர் பிரின்ட் செய்ய ₹41,000/-. 2) *மிகப்பெரிய சாம்பார் டபரா* வடலூர் வள்ளலார் ஏற்றிய அணையா அடுப்பில் சத்திய தருமச்சாலையில் ஒரே நேரத்தில் 10,000 பேருக்கு சாம்பார் தயாரிக்க மிகப்பெரிய டபரா (100 கிலோ அலுமினியம் - இதுவரை தரும சாலை தவிர வேறெங்கும் இவ்வளுவு பெரிய டபராவை அடியேன் பார்த்ததில்லை). சென்னை MA எத்திராஜ் நாயுடு மொத்த கொள்முதல் கடையில் ஆர்டர் செய்து இருக்கிறோம். டபரா மொத்த அடக்க விலை ₹31,000/-. டபராவில் உபயதாரர் பெயர் பொரிக்கப்படும்.

சோளிங்கர், பாணாவரம் அருகில் மஹேந்திரவாடி கிராமத்தில் 25 வயதில், திருப்பூர் சாலை விபத்தில் கணவனை இழந்த, 2 சிறு குழந்தைகளுக்கு தாயான, இளம்பெண் நிவேதா அவர்களின் வாழ்வாதாரத்திற்கு தீபம் அறக்கட்டளை, தினசரி 7 லிட்டர் பால் கறக்க கூடிய, பிறந்து 7 நாட்களே ஆன கன்று பசு, தானம் (₹40,000/-) வழங்குகிறது.

சித்திரை 1 அன்று (14.4.22) சென்னை வேளச்சேரியில் நடைபெற்ற தீபம் அறக்கட்டளை விழாவில் தீபத்தின் சமுதாய பணிகள் குறித்து 48 பக்கங்கள் கொண்ட வண்ண வடிவில் 25ஆவது ஆண்டு மலர் வெளியிடப்பட்டது. விழாவிற்க்கு வந்திருந்த அனைவருக்கும் மஞ்சள் வண்ண பிரசாத பையுடன் ஆண்டு மலர் வழங்கப்பட்டது.

தீபத்தின் கும்பாபிஷேக விழா சிறப்படைய, அருள்நிதி வாரி வழங்கிய அருளாளர்களை வணங்குகிறோம். வாழ்த்துகிறோம். தங்களின் நன்கொடைகள் விழாவை திருவிழாவாக... பெருவிழாவாக... மாற்றியது.

சென்னை வேளச்சேரி தண்டீஸ்வரம் கோவில் அருகில் தீபம் தருமச்சாலை, ஞான சபை அமைக்க மற்றும் ஏப்ரல் 14 & 15 தேதிகளில் சிறப்பாக நடைபெற்ற கும்பாபிஷேக விழாவிற்கு ஏராளமான நிதியும், பொருட்செலவும் ஆகியிருக்கும். ஏதேனும் நன்கொடை வேண்டுமா என்று பெயர் வெளியிட விரும்பாத கேட்ட மாமனிதரை தெய்வமாக நினைந்து வழிபடுகிறோம்.

மனிதபிறப்பு என்பது முதல்பிறப்பா? கடைசிபிறப்பா? என்ற கேள்வி பல்லாயிரம் ஆண்டுகளாக சரியான விடைதெரியாத புதிராகவே இருக்கிறது. பல ஆன்மீக அருளாளர்கள் தாவரம்தான் முதல் பிறப்பு அதற்கு அடுத்து ஊர்வன பறப்பன நடப்பன தேவர் அசுரர் இறுதியாக மனிதர் என சொல்லி உள்ளார்கள் மனிதபிற்ப்பு என்பது உயர்ந்த ஆறு அறிவுள்ள பிறப்பு என்றும் சொல்லி உள்ளார்கள்.

சென்னை வேளச்சேரியில் 1200 ஆண்டுகள் பழமையான (9ஆம் நூற்றாண்டில் கட்டப்பட்ட) தண்டீஸ்வரர் கோவில் அருகில் புத்தேரிகரைத்தெரு எனும் வள்ளலார் தருமச்சாலை வீதியில், *திருவருட்பிரகாச வள்ளலார் பேரருள் பெரும் கருணையினால்,* தர்மசாலை மற்றும் ஞான சபைக்கென புதிய கட்டடம் அமைத்து, அதை எதிர்வரும் புத்தாண்டான 2022 ஏப்ரல் 11, 12, 13 தொடர்ந்து மூன்று நாட்கள் திருவருட்பா ஆறு திருமுறைகள் (6000 பாடல்கள்) முற்றோதலும்,

*மஹா சிவராத்திரி* *சிறப்பு சொற்பொழிவு, *தெய்வீக இசை கச்சேரி,* *வழிபாடு, பிரசாதம்* 🔥🔥🔥🔥🔥🔥🔥🔥🔥 நாள்: 01-03-2022 செவ்வாய்க்கிழமை நேரம்: இரவு 9-00 மணி முதல் மறுநாள் அதிகாலை வரை இடம்: அருள்மிகு கருணாம்பிகை ஸமேத தண்டீஸ்வரர் திருக்கோவில், வேளச்சேரி, சென்னை-42 *தெய்வீக இசை: நளினி சங்கர் குழுவினர், மடிப்பாக்கம் சென்னை* (தெய்வீக இசை உபயம்: திரு N குமரகுருபரன், நந்தினி பில்டர்ஸ்) 🌹🌹🌹🌹🌹🌹🌹🌹🌹 மஹா சிவராத்திரியை முன்னிட்டு, சென்னை வேளச்சேரியில், புராதமான, 1800 ஆண்டுகள் பழமை வாய்ந்த […]

அருட்பெருஞ்ஜோதி ஆண்டவருடைய பேரருள் பெருங்கருணையினால், சென்னை வேளச்சேரி தீபம் கட்டளையின் நித்திய தருமச்சாலையில் தினசரி மூன்று வேளையும் மக்களின் பசி போக்கும் சமுதாய பணி நடைபெறுகிறது.

சென்னை வேளச்சேரி தீபம் அறக்கட்டளையின் நித்ய தீப தருமச்சாலையில் ஒவ்வொரு மாதமும் முதல் வெள்ளிக்கிழமைகளில் கடந்த பத்து வருடங்களாக மாற்றுத்திறனாளிகள், பார்வையற்ற குடும்பங்களுக்கு அரிசி மற்றும் மருத்துவ உதவிகள் வழங்கப்படுகின்றன. 03.12.21 இன்று வெள்ளித் திரு நாளில் தர்ம சாலையில் பிரார்த்தனையுடன் அரிசி, மற்றும் மளிகை பொருட்கள் உதவி பெற்ற பார்வையற்ற குடும்பங்கள் - 30. அனைவருக்கும் தருமசாலையில் வயிறார உணவு வழங்கப்பட்டது.

சென்னை கொட்டிவாக்கத்தில் சைவ ஓட்டல் ஒன்றில் பணிபுரியும் *திரு முத்துராமலிங்கம்* என்ற 30 வயது இளைஞர், மற்ற ஆன்ம அன்பர்களை போல் தினசரி இரவில் தருமச்சாலையில் சாப்பிட வருகிறார். வயிறார சாப்பிட்டு முடித்த பின், தருமச் சாலையில் உள்ள நித்திய ஜோதியை வணங்கி, வள்ளலார் காலடியில் தன்னுடைய தின வருமானத்திலிருந்து தினமும் ரூபாய் 200 மற்றும் ரூபாய் 500 நன்கொடையாக வழங்குகிறார்.

மகாபாரதத்தில் கடவுள் கண்ணனே அழுத இடம் ஒன்று உண்டு. அஃது எந்த இடம் தெரியுமா? கர்ணன் அடிபட்டு இறக்கும் தருவாயில் இருக்கிறான். அவன் செய்த தர்மம் அவனைக் காத்து நின்றது. அந்த தர்மத்தையும் கண்ணன் தானமாகப் பெற்றுக் கொண்டான். கண்ணனுக்கே தாங்கவில்லை. "உனக்கு ஒரு வரம் தர விரும்புகிறேன். என்ன வரம் வேண்டுமோ கேள்" என்றான் கர்ணனிடம்.

கொரோனா காலத்தில் மட்டும், கடந்த 18 மாதங்களில் நித்ய தீப தருமச்சாலையில் தினசரி 100 கிலோ அரிசி வீதம் இதுவரை 18 மாதங்களில் 50 டன் அரிசியில் பாதிக்கப்பட்ட மக்களுக்கு உணவு பொட்டலங்களாக ...தர்ம சாலை தேடி வருபவர்களுக்கும், ரோடு ஓரங்களில் ஆதரவற்று வாழ்பவர்களுக்கும், இறை அருளாலும், உயிர் உபகாரம் செய்யும் நல்ல உள்ளங்களால் தொடர்ந்து நடைபெற்றது. நடைபெற்றுக் கொண்டிருக்கிறது. நடைபெறும்.

*வள்ளலார் வருவிக்க உற்ற நாள் !* 05-10-2021 ஆம் நாள் வள்ளல்பெருமான் அவர்கள் இவ்வுலகிற்கு இறைவனால் வருவிக்க உற்ற நாளை *ஆன்மநேய ஒருமைப்பாட்டு தினமாக* ஒவ்வொரு ஆண்டும் உலகம் எங்கும் உள்ள சன்மார்க்க அன்பர்களால் கொண்டாடப்பட்டுவருகிறது. *உலகில் தோன்றிய ஞானிகள் அருளாளர்கள் சித்தர்கள் மற்றும் ஆன்மீக போதகர்கள் எல்லோரும் இறைவனைத் தொடர்புகொண்டு அருளைப்பெற்று. மனிதர்களுக்கு மட்டும் நன்மை பயக்கும் வகையில் பலவிதமான ஆன்மீக போதனைகளையும் வாழ்க்கை முறைகளையும் எண்ணம் சொல் செயல் வழியாக அவரவர்களுக்கு தெரிந்த வகையில் […]

சென்னை வேளச்சேரி புத்தேரிகரை தெருவில் அமைந்துள்ள தர்மசாலை கட்டிட திருப்பணிகள் ஏறக்குறைய 3000 சதுரடியில் முடியும் தருவாயில் உள்ளன. தற்போது இன்னர் மற்றும் அவுட்டர் பூச்சு வேலை, எலக்ட்ரிகல், பிளம்பிங், டைல்ஸ் அமைத்தல், பெயிண்டிங், சிற்ப வேலைப்பாடுகள், ஜன்னல் அமைத்தல், காம்பவுண்ட் அமைத்தல் போன்ற பல்வேறு பணிகள் ஒரே நேரத்தில் நடைபெறுவதால் ஏராளமான நிதியும், கட்டிட பொருட்களும் தேவைப்படுகின்றன. தர்ம சாலை மிகவும் காற்றோட்டமாகவும், வெளிச்சமாகவும் அமைய வேண்டும் என்ற பொதுநல நோக்கத்தில் 21 ஜன்னல்கள் அமைத்திருக்கிறோம். ஒரு ஜன்னல் ரூபாய் 8000 வீதம் ரூபாய் 1,56,000 ஜன்னல் அமைக்க நிதி தேவைப்படுகிறது. கொட்டேஷன் இணைத்துள்ளோம். ஜன்னல் உபயம் கிடைக்கும் என்று காத்திருந்தோம். உபயம் கிடைக்கவில்லை. பெயிண்டிங் உபயம் கிடைக்கும் என்று காத்திருந்தோம். உபயம் கிடைக்கவில்லை. *எல்லாம் திருவருட் சம்மதம்.*

தீபம் அறக்கட்டளையின் பல்வேறு தர்ம சாலைகளில் ஒன்றான செஞ்சி வட்டம் தேவதானம் பேட்டை கிராமத்தில் *திரு சி ஆர் சௌந்தர்ராஜன் ஐயா* அவர்கள் தலைமையில் தினசரி 300 பேருக்கு காலையில் அருள் உணவு வழங்கிக் கொண்டிருக்கிறார். தருமச்சாலைக்கு மேற்கூரை அமைப்பதற்காக தீபம் அறக்கட்டளை இடம் சீட் அமைக்க உதவி கோரியிருக்கிறார்.

சென்னை வேளச்சேரி தீபம் அறக்கட்டளை தொடர்ந்து 24 ஆண்டுகளாக... (அரசு பதிவு செய்யப்பட்டு 14 ஆண்டு காலமாக ...) தினமும் ஏழைகளுக்கு அன்னதானம் - மக்கள் பசி போக்கும் சமுதாயப்பணி செய்து வருவது தாங்கள் அறிந்ததே. தற்போது தினசரி பல்வேறு கிராம தர்ம சாலைகள் மூலம் ஏறக்குறைய 2000 மக்களின் பசியை தீபம் போக்கி கொண்டிருக்கிறது. தினமும் வறுமையில் வாடும் மெய்யூர் கிராம பழங்குடி இன ஏழை குழந்தைகளுக்கு மதிய உணவு மற்றும் இரவு உணவு வழங்கப்படுகிறது.

*தீபம் அறக்கட்டளையின் தொடர் நன்கொடையாளர்களின் பேராதரவினால், இறையருள் பெறும் கருணையினால், எவ்வித தடையின்றி தினசரி நித்ய தீப தருமச்சாலையில் மற்றும் பல்வேறு கிராம சாலைகள் மூலம் இரவிலும் பகலிலும் தினசரி 2000 ஆயிரம் மக்களின் பசி போக்க, அடுப்பில் நெருப்பு எரிந்து கொண்டே இருக்கிறது. உணவு வழங்கப்பட்டுக் கொண்டே இருக்கிறது. பசியோடு நீட்டும் கைகள் எல்லாம் இறைவனின் கைகள்.*

பல லட்சம் மக்கள் பசியாறிய / பசியாறி கொண்டிருக்கின்ற /பசியாற போகின்ற, சென்னை வேளச்சேரி புத்தேரி கரை தெருவில் 2,500 சதுர அடியில் புதிய தர்மசாலை கட்டிட வளாக திருப்பணிகள் நடைபெற்றுக் கொண்டி ருக்கின்றன. தற்போது படிகள் அமைக்கும் பணி நடைபெற்றுக் கொண்டிருக்கின்றன. இதுவரை 70 சதவீத பணிகள் நிறைவு பெற்று இருக்கின்றன.

நிதிய தீபத் தருமச்சாலையின் கிளை சாலை மதுராந்தக தருமச்சாலை தயவு திரு கார்த்தி ஐயாவும் அவரது துணைவியாரும் அவரது முழு குடும்பமும் இந்த அருமையான அன்னதான பணியிலே நித்தியமும் தினமும் அருள் கஞ்சி ஊற்றிக் கொண்டிருக்கிறார்கள் பசியாற்றி விட்டாலே பரம புண்ணியம் என்கின்ற வள்ளலாரின் திரு வாக்கிற்கு ஏற்ப பலப்பல பேருடைய பசி ஆற்று வித்தல் மிக அருமையாக செய்துகொண்டிருக்கும் கார்த்திக் ஐயாவுக்கு கோடான கோடி வணக்கங்கள் வாழ்த்துக்கள்

திருஅருட்பிரகாச வள்ளல்பெருமான் பெருங்கருணையுடன் சென்னை வேளச்சேரி தீபம் அறக்கட்டளையின் சார்பில் வேளச்சேரி பகுதியில் கடும்வெயிலால் அவதியுறும் மக்களின் தாகம் தணிக்கும் பொருட்டு *கோடை கால நீர்மோர் பந்தல் 01-04-2021 அன்று முதல் துவக்கப்பட்டு தொடர்ந்து தினமும் வெயில் காலம் முடியும் வரை தாகம் தணிக்க குளிர்ச்சியான நீர்மோர் & ரஸ்னா* தண்டீஸ்வரர் கோவில் ஆர்ச் அருகில் வழங்கப்படுகிறது.

*விலையில்லா விளம்பரமில்லா - "தீபநெறி" சன்மார்க்க மாத இதழ்.* சென்னை வேளச்சேரி தீபம் அறக்கட்டளை மாதந்தோறும் இருபது பக்கங்கள் கொண்ட விலையில்லா விளம்பர மில்லா "தீபநெறி" சன்மார்க்க மாத இதழை கடந்த 12 வருடங்களாக தீபம் நன்கொடையாளர்கள், சன்மார்க்க அன்பர்களுக்கும், தீபத்தின் நலம் விரும்பிகளுக்கும் இலவசமாக தபாலில் மாதந்தோறும் 26 அல்லது 27 தேதிகளில் தபாலில் அனுப்புகிறோம். *மாத / வருட சந்தா இல்லை.* விருப்பமுள்ளவர்கள் அறப்பணிகளுக்கு அன்னதான பணிகளுக்கு நன்கொடைகள் அனுப்பலாம். அச்சிடப்பட்ட *தீப நெறி* […]

மஹா சிவராத்திரியை முன்னிட்டு, சென்னை வேளச்சேரியில், புராதமான, 1800 ஆண்டுகள் பழமை வாய்ந்த தண்டீஸ்வரர் திருக்கோவிலில் சென்னை வேளச்சேரி தீபம் அறக்கட்டளையின் சார்பில் மஹா சிவராத்திரி சிறப்பு சொற்பொழிவு, இசை, பஜனை வருகிற 12-03-2021 வியாழன் இரவு முழுவதும் திரு A மகாதேவன் தலைமையில் நடைபெற உள்ளது. கடந்த 10 ஆண்டுகளாக தீபம் இந்த ஆன்மீகப்பணியை செய்து வருகிறது.

அருட்பெரும் ஜோதி ஆண்டவருடைய பேராற்றல் பெரும் கருணையினால், சென்னை வேளச்சேரி தீபம் அறக்கட்டளையின் பல்வேறு கிராம நித்ய தீப தர்ம சாலைகளின் அன்னதான பணிகளும், அறப்பணிகளும், வாரி வழங்கும் வள்ளல்களாலும், மாதந்தோறும் தொடர் நன்கொடைகள் வழங்கும் அருளாளர்களின் அற்புத அருட்செயல்களாலும், தர்ம பணிகள் தடைபடாமல் அல்லும் பகலும் மிக சிறப்பாக நடைபெற்று வருகின்றன. தர்மம் செய்பவர்களுடைய திருப்பாதங்களை, தெய்வீகப் பாதங்களாக எண்ணி, வணங்கி மகிழ்கிறோம்.