அடையாறு புற்றுநோய் மருத்துவமனை

பசிதீர்ப்பது பரம புண்ணியம்

அடையாறு புற்றுநோய் மருத்துவமனையில் தினசரி இரண்டு வேளை உணவு

சென்னை அடையாறு புற்றுநோய் மருத்துவமனையில் நோயாளிகளின் உதவியாளர்கள் (கேரளா, கர்நாடகா, ஆந்திரா, தமிழ்நாடு மற்றும் மற்ற மாநிலங்களிலிருந்து) உணவிற்காக அல்லாடுவதை நேரில் கண்டு, உணர்ந்து, தினசரி தொடர்ந்து உணவு வழங்க முடிவு செய்து, சென்னை வேளச்சேரி தருமச்சாலையில் உணவு தயாரித்து, டாடா ஏஸ் வாகனத்தில் கொண்டு செல்லப்பட்டு, நேரடியாக மருத்துவமனையில் பிரார்த்தனையுடன் தினசரி நேரம் தவறாது உணவு வழங்கப்படுகிறது.

மேலும் நம் சமுதாய அக்கறையுள்ள ஆத்மார்த்தமான பணிகளை கண்டு, அடையாறு புற்றுநோய் மருத்துவமனை நிர்வாகம் கேட்டுக் கொண்டதற்கு இணங்க, காலை உணவு மிளகு கஞ்சியாக தினசரி வழங்கப்படுகிறது. நமது உணவின் தரத்தை பரிசோதித்த நிர்வாகம் உணவின் தரத்திற்கு மிகப் பெரிய சான்றிதழ் வழங்கியிருக்கிறது.

டாடா ஏஸ் வாகனத்தில் தினசரி காலை 8 மணி அளவிலும், தினசரி மதியம் 12 மணி அளவிலும், அடையாறு புற்றுநோய் மருத்துவமனையில் நாள் தவறாது நேரில் சென்று பிரார்த்தனையுடன் இரண்டு வேளையும் உணவு வழங்கப்படுகிறது.

அடையாறு மருத்துவமனையில் உணவு வழங்க

தினம் ஒரு உபயதாரர் வரவேற்கப்படுகிறார்.

நித்ய தீப தருமச்சாலையின் அன்றாட சமுதாயப்பணிகள்

புகைப்படங்கள்