Adyar Cancer Hospital

சென்னை அடையாறு புற்றுநோய் மருத்துவமனையில் நோயாளிகளின் அட்டண்டர்கள் (கேரளா, கர்நாடகா, ஆந்திரா, தமிழ்நாடு மற்றும் மற்ற மாநிலங்களிலிருந்து) உணவிற்காக அல்லாடுவதை நேரில் கண்டு, உணர்ந்து, தினசரி தொடர்ந்து உணவு வழங்க முடிவு செய்து, சென்னை வேளச்சேரி தர்ம சாலையில் உணவு தயாரித்து, டாட்டா ஏஸ் வாகனத்தில் கொண்டு செல்லப்பட்டு, நேரடியாக மருத்துவமனையில் பிரார்த்தனையுடன் தினசரி நேரம் தவறாது உணவு வழங்கப்படுகிறது.

மேலும் நம் சமுதாய அக்கரையுள்ள ஆத்மார்த்தமான பணிகளை கண்டு, அடையாறு புற்றுநோய் மருத்துவமனை நிர்வாகம் கேட்டுக் கொண்டதற்கு இணங்க, காலை உணவு மிளகு கஞ்சியாக தினசரி வழங்கப்படுகிறது. நமது உணவின் தரத்தை பரிசோதித்த நிர்வாகம் உணவின் தரத்திற்கு மிக பெரிய சான்றிதழ் வழங்கியிருக்கிறது.

டாட்டா ஏஸ் வாகனத்தில் தினசரி காலை 8 மணி அளவிலும், தினசரி மதியம் 12 மணி அளவிலும், அடையாறு புற்றுநோய் மருத்துவமனையில் நாள் தவறாது நேரில் சென்று பிரார்த்தனையுடன் இரண்டு வேளையும் உணவு வழங்கப்படுகிறது.